Teitl y Prosiect: Atgofion y Grand: Gorffennol | Presennol | Dyfodol
Rôl: Ffotograffydd Dogfennol a/neu Gymdeithasol
Cytundeb Gwasanaethau Llawrydd
Ffi: £1,700
Disgrifiad o’r Prosiect:
Mae gan Race Council Cymru gyfle newydd cyffrous i brif ffotograffydd gymryd rhan yn y prosiect Atgofion y Grand: Gorffennol | Presennol | Dyfodol.
Nod prosiect Atgofion y Grand: Gorffennol | Presennol | Dyfodol, a noddir gan Gronfa Dreftadaeth y Loteri Genedlaethol, yw canfod a chofnodi atgofion pobl am yr hyn mae adeilad y Grand yn ei olygu iddyn nhw, p’un a ydyn nhw wedi byw yn Abertawe, wedi ymfudo i’r ardal, neu wedi gweithio yn yr adeilad. Mae’r prosiect yn adrodd eu straeon gan ddefnyddio ffotograffau a chyfweliadau sy’n dangos sut mae’r adeilad wedi esblygu ar hyd y blynyddoedd i gyrraedd ei ffurf bresennol a sut mae wedi cipio calonnau cymaint o bobl.
Canlyniad terfynol y prosiect fydd arddangosfa o’r enw Atgofion y Grand: Gorffennol | Presennol | Dyfodol, i’w chynnal yn y Grand. Rydym yn chwilio am ffotograffydd a fydd yn gweithio’n agos gyda rheolwr y prosiect i dynnu lluniau cyfranogwyr y prosiect yn adeilad y Grand.
Mae’r swydd hon yn gyfle i chi ddatblygu portffolio o waith proffesiynol a chymryd rhan mewn prosiect byw. Bydd cyfle ichi arddangos eich gwaith yn un o sefydliadau diwylliannol mwyaf Abertawe. Bydd y prosiect hwn yn eich datblygu’n broffesiynol yn ogystal ag yn greadigol.
Cyfrifoldebau:
- Gweithio’n agos gyda rheolwr y prosiect i greu a thrafod cysyniad creadigol y prosiect
- Gweithio yn unol â’r cysyniad creadigol i gael y lluniau iawn ar gyfer yr arddangosfa
- Cynnal gwaith ymchwil a pharatoi ar gyfer y sesiynau ffotograffiaeth
- Gweithio dan amrywiol amgylchiadau ac mewn amrywiol leoliadau i gael lluniau o ansawdd dda
- Rheoli prosesu’r lluniau a datrys problemau technegol
- Sicrhau ffotograffau o ansawdd dda
- Paratoi profluniau ffotograffau i’w cymeradwyo
- Creu ffotograffau terfynol o’r ansawdd, maint a steil gofynnol yn barod ar gyfer yr arddangosfa
- Cyfrannu at y deunyddiau marchnata
- Cymryd rhan mewn cyfarfodydd sy’n ymwneud â’r prosiect
Sgiliau:
- Sylw craff i fanylder
- Creadigol, gyda’r gallu i greu darluniau dengar
- Gallu gweithio gyda briffiau creadigol
- Dibynadwy, ac yn meddu ar sgiliau cyfathrebu da
- Sgiliau trefniadol a rheoli amser rhagorol
- Gallu gweithio i derfynau amser tynn
Sgiliau technegol:
Gwybodaeth ddatblygedig am amrywiol feddalwedd golygu ffotograffau fel Photoshop.
Gwybodaeth ddatblygedig am gamerâu digidol a thechnegau goleuo.
Os oes gennych ddiddordeb:
Anfonwch eich portffolio a CV mewn ebost at [email protected]
Byddwn wedyn yn eich gwahodd i gyfweliad lle gallwch drafod eich gwaith mewn mwy o fanylder